আমাৰ লখিমপুৰ

নিশা বৰুৱা, দশম শ্রেণী

নকাৰী উঃ মাঃ বিদ্যালয়, উত্তৰ লখিমপুৰ

ধুনীয়া আমাৰ লখিমপুৰখন,

লখিমী পথাৰেৰে ভৰা।

সেইবাবেই তাহানিৰে পৰা হ'ল,

নাম লখিমপুৰ জিলা।।

পূৱে আছে ধেমাজি জিলা

বাৰিষাত বানপানী হোৱা।

নগৰৰ কাষেৰে বৈছে ৰঙানদী

বানত মঠাউৰি ভঙা।।

উত্তৰে আছে অৰুণাচল প্রদেশ,

পাহাৰ-পর্বতেৰে ভৰা।

দক্ষিণে আছে মাজুলী জিলা,

সত্রীয়া সংস্কৃতিৰ মেলা।।

নাৰায়ণপুৰ লেটেকু পুখুৰী,

মাধৱদেৱৰ জন্মস্থান।

ঢকুৱাখনাতেই আছে যে আমাৰ,

বাসুদেৱৰ পৌৰাণিক থান।।

ফাট বিহুৰ কথা কোনেনো নাজানে,

ঢকুৱাখনাতেই পাতে।

জাতি জনগোষ্ঠীৰ সমন্বয় সংস্কৃতি,

তাতেই জিলিকি উঠে।।

***********