পদ্য-ধেমালি

অৰূপ কুমাৰ দাস

বাৰাপেটা, বাক্সা, অসম

ক)

চাইকেল চলাই বান্দৰ ককা

বজাৰলৈ গ'ল,

মোনা ভৰাই আনিব কিনি

পকা ভীম কল ৷

খ)

শিয়াল মামা বুধিয়ক

হাঁহ ধৰি খায়,

ঘড়ী আৰু চশমা পিন্ধি

সবাহলৈ যায় ৷

গ)

পাৰ চৰায়ে দিয়ে ৰুণ

পৰি ঘৰৰ চালত,

মাছ এটাই নাচে নাচ

পিছফালৰ খালত ৷

ঘ)

এবাৰ এন্দুৰে ভাবিলে

কৰি চাব খেতি,

পাগুৰি মাৰি ওলাই গ'ল

চহাবলৈ মাটি ৷

ঙ)

কোৰ লৈ মাটি কাটে

কাঁচিয়ে কাটে ধান,

বাঁহ এডাল কাটিবলৈ

দা এখন আন ৷

********