ৰঙিলী মেকুৰী

 ছৈয়দা আঞ্জুম আৰা হুছেইন

গুৱাহাটী

ৰীমাৰ এজনী মেকুৰী আছে

ৰঙিলী তাইৰ নাম,

ৰীমাৰ বিছনাতে শুই থাকে

আৰু যেন নাই একো কাম।

নিগনি দেখিলেও নধৰে তাই

গপতে ওফন্দি থাকে,

ৰীমাৰ ভাগৰ আইচ ক্ৰীমটোহে

তাইক খাবলৈ লাগে ৷

মাছ ভাজিলেই মেওমেওৱাই থাকে

 লাগে তাইক খাবলৈ,

নেগুৰ দাঙি গা_ঘহাঁই থাকে

মাছ এটুকুৰি দি’বলৈ ৷

ৰীমাই ৰঙিলীক অকলে নেৰে

ইমান যে ভাল পায়,

ৰাতিও দুয়ো একেখন বিছনাতে

একেলগে টোপনি যায় ৷

**************